İki ailənin faciəsi: Bakıda tələbə yoldaşını öldürən gəncin məhkəməsi başladı - VİDEO

İki ailənin faciəsi: Bakıda tələbə yoldaşını öldürən gəncin məhkəməsi başladı - VİDEO
18:28 09-12-2019 | icon 145

Bakı Ağır Cinayətlər Məhkəməsində hakim İradə Həsənzadənin sədrliyi ilə 17 yaşlı Sumqayıt sakini, Bakı İdarəetmə və Texnologiya Kollecinin keçmiş tələbəsi Cümşüd İlham oğlu Balabəyovun məhkəməsi başlayıb.

milletinsesi.info-ın məlumatına görə, iş üzrə ilk məhkəmə iclası artıq baş tutub, növbəti məhkəmə dekabrın 9-na təyin edilib.

Cinayət işinin materiallarına görə, təqsirləndirilən şəxs tələbə yoldaşı Qalib Kamal oğlu Əsgərovun ölümündə günahlar bilinir. Balabəyov Cinayət Məcəlləsinin 221.2.1 (xuliqanlıq) və 126.3 (şəxsin ölümü ilə nəticələnən ağır bədən xəsarəti) maddələri ilə ittiham olunur. Hadisə bu il mayın 14-də Bakının Nərimanov rayonu ərazisində yerləşən kollecin yaxınlığında baş verib.

C.Balabəyov dərsdə olarkən tələbə yoldaşı Q.Əsgərov həmyaşıdları arasında məhz özünün nüfuz sahibi olduğunu sübut etmək və şahidlərin yanında münasibətləri aydınlaşdırmaq üçün onu həyətə çağırıb. Sinif yoldaşları arasında münaqişə Q.Əsgərovun təhqir etdiyi tələbəyə C.Balabəyovun arxa çıxması səbəbindən başlayıb. Bu, Q.Əsgərovun xoşuna gəlməyib və S.Balabəyovu davaya çağırıb.

Gənclər məktəbin həyətində münasibətlərini aydınlaşdırmağa başlayıblar, ancaq mühafizəçi onları ordan qovub. Sonra “məsələni aydınlaşdırmaq” istəyənlər yolu keçiblər və saat 14:30-da “Kərimova” küçəsindəki “Şüa” sağlamlıq kompleksinin qarşısında çoxsaylı şahidlərin gözü qarşısında dava başlayıb. Döyüş zamanı birdən Qalib kənara çəkilib və yerə yıxılaraq ölüb.

Qeyd edək ki, media hadisə ilə bağlı məlumat yayıb və hətta münaqişənin baş verdiyi vəziyyətə aydınlıq gətirməyə çalışıb.

Dava müşahidə kamerası tərəfindən qeydə alınıb və təqdim etdiyimiz videoda S.Balabəyovu (sarı rəngli köynək) münasibətləri aydınlaşdırmağa çağıran Q.Əsgərov (ağ qısaqol maykada) bir qrup gənci yola apardığı aydın görünür. Zibil qutusunda dayanan Q.Əsgərov C.Balabəyovun başından vurmağa başlayır. Qeyd edək ki, şahidlərdən heç biri onları ayırmağa çalışmır. Sonradan məlum oldu ki, Q.Əsgərov bunu edənə söyüş qoyubmuş.

Qısaboy və fiziki cəhətdən zəif olan C.Balabəyov  Q.Əsgərovdan müdafiə olunmaq üçün başını əlləri ilə tutaraq müqavimət göstərib. Bundan bir neçə dəqiqə sonra Q.Əsgərov yıxılır. Onun ağzından köpük çıxıb. Bunu görən C.Balabəyov oğlanların onu xilas etməsinə kömək etmək üçün su dalınca qaçır. Ancaq çox gec olur.

Daha sonra C.Balabəyov anasına etiraf edib ki, döyüşmək niyyətində olmayıb, ancaq zəif hesab olunmamaq üçün çağırışı qəbul edib.

Əvvəlcə C.Balabəyova Cinayət Məcəlləsinin 221.2.1 (bir qrup şəxs tərəfindən törədilmiş xuliqanlıq) maddəsi ilə ittiham irəli sürülüb. Ancaq bir neçə gün sonra cinayət işi Nərimanov rayon prokurorluğundan Bakı şəhər prokurorluğuna verilib. Məlum olub ki, Q.Əsgərovun valideynləri - Lənkəran rayonunun yerli sakinləri və Rusiya vətəndaşları - Rusiyanın Azərbaycandakı Səfirliyinə, Prezident Administrasiyasına şikayət ediblər və övladlarının ölümündə təqsirkar saydıqları gəncə qarşı ən yüksək cəzaya nail olmaq üçün bütün təzyiq vasitələrindən istifadə ediblər.

Bakı şəhər prokurorluğunda təqsirləndirilən şəxsə daha bir maddə ilə ittiham irəli sürüldü. İstintaq hesab edir ki, C.Balabəyov ictimai asayiş qaydalarını pozub və Q.Əsgərova qarşı güc tətbiq edib.

“Onu əlləri və ayaqları ilə vurub, yanaqlarına, burnuna, qaşının üstünə, sol çiyninə, sol qoluna, biləyinə və ayaqlarına xəsarət yetirib. Bu xəsarətlər həyat üçün təhlükə yaratmırdı və buna görə də C.Balabəyov xuliqanlıq etmiş sayılır. Eyni zamanda, “Şüa” sağlamlıq kompleksinin qarşısındakı vaxt C.Balabəyov Q.Əsgərovla vuruşub, qasıq nahiyəsinə dizi ilə vurub, nəticədə küt xəsarət yetirib. Ağrının şoku nəticəsində Q.Əsgərov ürək tutması keçirərək ölüb. Buna görə də C.Balabəyov ümumilikdə Cinayət Məcəlləsinin 221.2.1 və 126.3 maddələrinə əsasən (ehtiyatsızlıqdan şəxsin ölümü ilə nəticələnən ağır bədən xəsarəti)” hərəkət edib”, -  deyə ittiham aktında deyilir.

Yeri gəlmişkən, Cinayət Məcəlləsinin 126.3-cü maddəsində 9 ildən 12 ilədək azadlıqdan məhrumetmə cəzası nəzərdə tutulur.

İstintaqın məntiqinə əsaslansaq, onda C.Balabəyov Q.Əsgərovun özünü döyməsinə və ola bilsin öldürülməsinə icazə verməli idi. Bəs Cinayət Məcəlləsinin 123-cü (insanın ölümü ilə nəticələnən zəruri müdafiənin həddini aşma), 124-cü (ehtiyatsızlıqdan adam öldürmə) maddələri haqqında nə demək olar? Hətta özünümüdafiə vəziyyətində də istintaq insanın ölümünü “sağlamlığa qəsdən zərər vurması” kimi qiymətləndirsə, bu maddələr nə üçün nəzərdə tutulub?

Qeyd edək ki, Cinayət Məcəlləsinin 123 və 124-cü maddələrində cəza kimi üç ilə qədər həbs cəzası nəzərdə tutulur.

Yeri gəlmişkən, iyunun üçündə kollec rəhbərliyi hər iki tələbəyə xasiyyətnamə verib. Q.Əsgərov mənfi xarakterizə olunub. Birinci ilin sonunda Qalib 8 fəndən “qane etməmə” alıb. 2018/2019-cu tədris ilinin birinci yarısı üçün 7 fəndən “kəsirlər”i var. O, dəfələrlə nizam-intizamı pozub və buna görə də kollec rəhbərliyi tərəfindən daim xəbərdarlıq alıb. Direktor Q.Əsgərovun valideynlərini dəvət etsə də, o, onların Rusiyada yaşadıqlarını və buna görə gələ bilməyəcəyini bildirib. Təhsil müəssisəsi rəhbərinin iddialarını dinləmək üçün əmisi oğlu gəlirdi. Bundan əlavə, Qalib dərslərdən kənar olma həddini aşmışdı.

C.Balabəyovdakı xarakteri, əksinə, müsbət qiymətləndirilib. Tələbə dərsə diqqətlə qatılırdı, xasiyyətcə davakar deyil, tələbə yoldaşları ilə münasibəti yaxşı, nizam-intizamlı idi. Kollec rəhbərliyi onunla heç vaxt problem yaşamamışdı.

P.S.: Cinayətin hallarının tam, obyektiv və hərtərəfli öyrənilməsinin, müstəqil və qərəzsiz bir məhkəmənin hər hansı bir sivil cinayət məhkəmə icraatına dəstək və cinayət prosesinin əsas prinsipi olduğunu söyləməyə ehtiyac varmı? Cinayətin hallarının obyektiv öyrənilməsinə dair müddəalara məhəl qoyulmayanda ciddi mənfi nəticələr yaranır. Uşağın ölümü valideynlər üçün həmişə faciədir, eynilə öldürmədiyi bir adamın haqsız ittihamı kimi. Axı, bir insanın taleyi həll edilir, hansı ki, həyata indi başlayan, ancaq bəzi şərtlərə görə ölümlə nəticələnən davanın iştirakçısı olub. Tələbə sadəcə özünün incinməməsinə çalışıb və yoldaşının çağırışını qəbul edib. Üstünlüyünə arxayın olan və yumruqlarıyla hücum edən tələbə isə vurduğu bir neçə zərbədən sonra özü ölüb.

Ramella İbrahimxəlilova