Ehsan Zahidov: DİN-in Hospitalında müayinədən keçən Tofiq Yaqubluda heç bir patoloji hal aşkar edilməyib

Ehsan Zahidov: DİN-in Hospitalında müayinədən keçən Tofiq Yaqubluda heç bir patoloji hal aşkar edilməyib
00:21 22-10-2019 | icon 49

Tofiq Yaqublu DİN-in Hospitalında müayinədən keçirilib, onda heç bir patoloji hal aşkar edilməyib.

Bunu Daxili İşlər Nazirliyinin Mətbuat xidmətinin rəisi, polis polkovniki Ehsan Zahidov bildirib.

Onun sözlərinə görə, mövcud təlimatın tələblərinə əsasən, inzibati həbsdə olan və həkimin köməyinə ehtiyacı olan şəxslər Daxili İşlər Nazirliyinin Hospitalına aparılır və orada müayinədən keçirilirlər:
“Bu gün Tofiq Yaqublu da özünü yaxşı hiss etməməsi, ağrılarının olması ilə bağlı müraciət edib. Ona görə də o, DİN-in Hospitalına aparılıb. T.Yaqublu orada bütün müvafiq müayinələrdən keçirilib, onda heç bir patoloji hal aşkar edilməyib. Bütün müayinələrin protokolları ona təqdim olunub, özü də imzalayıb. Müayinələrdən sonra Tofiq Yaqublu yenidən inzibati həbs yerinə qaytarılıb”.

Ehsan Zahidov bildirib ki, Tofiq Yaqublu DİN-in Hospitalındakı həkimlərin müayinəsinə inanmasa, inzibati həbsi başa çatandan sonra istənilən xəstəxanaya gedib yenidən müayinələrdən keçə bilər.