Sabiq təhlükəsizlik zabiti prezidentə müraciət etdi - Təqaüdündən 500 manat kəsiblər...

Sabiq təhlükəsizlik zabiti prezidentə müraciət etdi - Təqaüdündən 500 manat kəsiblər...
12:13 03-10-2019 | icon 1295

Sahil Babyevin işçiləri ehtiyatda olan polkovnik-leytnant Nadir Tağıyevin təqaüdündən hər ay 500 manat tutlmasının səbəbini izah edə bilmirlər, amma pulu yenə tutmaqda davam edirlər...

Dövlət Təhlükəsizlik Xidmətinin sabiq zabiti, ehtiyatda olan polkovnik-leytnant Tağıyev Nadir Fərman oğlu ölkə prezidentinə müraciət edib.

Surəti PİA.az-a ünvanlanan həmin müraciətdə sabiq DTX zabiti aldığı təqadün dörddə bir hissəsinin qəsdən kəsilməsindən şikayətçidir.

Nadir Tağıyevin PİA.AZ-a bildirdiyinə görə, o təqaüdə çıxdıqdan sonra 1947 manat təqaüd alıb. Bir müddət əvvəl isə Əmək və Əhalinin Sosial Müdafiəsi Nazirliyinin sektor müdiri olan Çingiz adlı şəxs onu öz yanına dəvət edərək Nadir Tağıyevin təqadünün 2000 manata çıxarılması üçün ərizə verməyini xahiş edib. Ərizəni Çingiz öz dəsti xətti ilə yazıb və Nadir Tağıyevə imzalatdırıb. Bundan sonra qəribə prosses başlayıb. Əvvəlcə Nadir Tağıyevin təqaüdü 100 manat azalıb. Bir müddət sonra da bu azalma davam edib. Hazırda isə Nadir Tağıyevin təqadündən hər ay 500 manat harasa yoxa çıxır.

Məsələ ilə bağlı Əmək və Əhalinin Sosial Müdafiəsi Nazirliyinə və Dövlət Sosial Müdafiə Fonduna dəfələrlə müraciət etsə də onun şikayətinə baxan yoxdur. Çingiz adlı həmin şəxs isə təqaüdə çıxıb.

Nadir Tağıyev dəfələrlə Əmək və Əhalinin Sosial Müdafiəsi naziri Sahil Babayevə məktub yollasa da məktublarına cavab almayıb. Maraqlıdır ki, nazirliyin əməkdaşların onun təqaüdündən hər ay 500 manat tutulmasını doğru dürüst izah edə bilmirlər. Sadəcə bunun Nadir Tağıyevin ərizəsi əsasında baş verdiyini bildirirlər.

Qeyd edək ki, Nadir Tağıyev qan xəstəliyindən əziyyət çəkir və hər il xaricdə müalicə kursu alır.

Nadir Tağıyev PİA.az-a onu da bildirib ki, o, 1991-92-ci illərdə Naxçıvanda ermənilərlə vuruşub. Rus ordusunun silahları ilə birlikdə Naxçıvanı tərk etmələrinə və rus əsgərlərinin Muxtar Respublikanı silahsız tərk ettmələrində fəal iştirakına görə mərhum prezident, ümummilli lider Heydər Əliyevdən bir neçə dəfə təşəkkürnamə alıb. Nadir Tağıyev təhlükəsizlik zabiti olaraq rus ordusundan silahların alınmasına bilavasitə rəhbərlik edib və buna görə də Heydər Əliyevin böyük rəğbətini qazanıb.

Nadir Tağıyev məsələ ilə bağlı ölkə prezidentinə müraciət edərək ondan qanunsuz olaraq hər ay tutulan 500 manatın geri qaytaılmasını xahiş edir və Əmək və Əhalinin Sosial Müdafiəsi naziri Sahil Babayevin məsələyə müdaxilə edərək nazirlik işçilərinin qanunsuzluqlarına son verməsini tələb edir.

“Əks təqdirdə mənim məhkəməyə müraciət etməkdən başqa çarəm qalmayacaq”, deyə polovnik-leytnant bildirib.

Qeyd edək ki, məsələ ilə bağlı Əmək və Əhalinin Sosial Müdafiəsi Nazirliyinin mövqeyini öyrənmək istəsək də nazirliyin mətbuat xidmətinə edilən zənglərə cavab verilmədi.

nadirnadir-1nadir-2nadir-3nadir-4nadir-5