Rusiya məhkəməsi azərbaycanlının xeyrinə qərar çıxardı

Rusiya məhkəməsi azərbaycanlının xeyrinə qərar çıxardı
10:25 11-09-2019 | icon 35

Bryanks vilayət məhkəməsi Azərbaycan vətəndaşı Cəmşid Ələkbərovun müvəqqəti yaşama icazəsi barədə ərizəsinə yenidən baxmaq üçün göstəriş verib.

Məlum olub ki, Ələkbərov Rusiya Daxili İşlər Nazirliyinin Bryans vilayəti üzrə İdarəsinə sənədləri ilə müraciət edərək müvəqqəti yaşama icazəsinin verilməsini istəyib.

Miqrasiya məsələləri üzrə idarə isə Ələkbərovun müraciətinə rədd cavabı verib və bildirib ki, Rusiya ərazisində yaşayış yerini səhv göstərdiyi üçün belə qərar qəbul edilib. Şikayətçi bu rədd cavabına görə məhkəməyə müraciət edib. Məhkəmə isə fərqli qərar qəbul edib.

Məlum olub ki, Ələkbərov idarəyə yalan məlumat verməyib, polisdə onun qeydiyyatda olduğu ərazi üzrə yaşamadığı barədə məlumat yoxdur. Bu səbəbdən məhkəmənin qərarı ilə idarə Ələkbərova müvəqqəti yaşayış icazəsi verilməsi barədə məsələyə yenidən baxmalıdır.