Ana dəcəl övladını zəncirlədi, polis xəbərdarlıq etdi

Ana dəcəl övladını zəncirlədi, polis xəbərdarlıq etdi
15:30 21-08-2019 | icon 100

Sosial şəbəkələrdə və bəzi yerli saytlarda Nəsimi rayonu, Cavadxan küçəsi bina 56-da azyaşlı oğlan uşağının ayaqlarının anası və xalası tərəfindən bir-birinə zəncirlənməsinə dair məlumat yayılıb.

19-cu Polis bölməsi faktı milletinsesi.info-a təsdiq edib və məsələyə aydınlıq gətirilib.

"Sosial şəbəkədə yayılan foto barədə 19-cu Polis bölməsinin əməkdaşları hadisə yerinə gediblər və məlumat öz təsdiqini tapıb. Uşaq polislərə bildirib ki, anası və xalası tərəfindən onu döyməyiblər, sadəcə, ayağına zəncir vurublar ki, evi tərk etməsin.

Məlum olub ki, uşağın anası işləyir, uşağı evdə saxlamaq üçün onun ayağına zəncir vurub. Səbəb kimi uşağın dəcəl olması göstərilir", - məlumatda deyilir.

Polis əməkdaşları anaya uşaqla bu cür rəftarın qanunsuz olduğunu bildirib və ona xəbərdarlıq ediblər.

akı Şəhər Baş Polis İdarəsi sosial şəbəkələrdə və bəzi yerli saytlarda Nəsimi rayonu, Cavadxan küçəsi bina 56-da azyaşlı oğlan uşağının ayaqlarının anası və xalası tərəfindən bir-birinə zəncirlənməsi məsələsinə münasibət bildirib.

İdarənin Mətbuat xidmətinin rəisi, polis mayoru Elşad Hacıyev milletinsesi.info-ın sorğusuna cavab olaraq bildirib ki, paytaxtın Nəsimi rayonu, Cavadxan küçəsində yerləşən yaşayış binasında mənzillərdən birinin pəncərəsində ayaqlarından zəncirlənmiş azyaşlının fotosu avqustun 20-də Bakı Şəhər Baş Polis İdarəsinə daxil olub:

"Azyaşlıya qarşı qeyri-insani rəftarla bağlı dərhal Baş İdarənin rəhbərliyi tərəfindən fakt nəzarətə götürülüb, ərazi polis orqanına – Nəsimi rayon Polis İdarəsinə müvafiq araşdırmaların aparılması ilə bağlı göstəriş verilib.

Ömər Həsənlinin anası Şahanə İmayılova tərəfindən zəncirlə ayağından bağlanmasına dair ilkin araşdırma zamanı müəyyən olunub ki, ana öz övladını bacısı Aygün İsmayılova ilə birgə kirayədə yaşadığı ünvanda işdə olduqları müddətdə - saat 08:00-dan saat 00:00 radələrinə qədər nəzarətsiz qoyublar. Bu müddət ərazində azyaşlının heç yerə getməməsi üçün ayaqlarını zəncirlə bağlayıblar. Ş.İsmayılova oğlunun çətin tərbiyə olunan uşaq olduğunu deyərək, yay tətilinə görə Yevlax rayonundan gətirərək yaşadığı ünvanda bu addımı atdığını etiraf edib".

E.Hacıyev deyib ki, araşdırma zamanı Nəsimi RPİ İctimai təhlükəsizlik şöbəsi və 19-cu Polis Şöbəsi əməkdaşlarının birgə keçirdiyi müvafiq tədbirlərlə fakt üzrə toplanan materiallar prokurorluğa təqdim edilib".