Rəsmi Bakı: Erməni nazir “sabitlik” sözünü düzgün başa düşmür

Rəsmi Bakı: Erməni nazir “sabitlik” sözünü düzgün başa düşmür
17:55 01-08-2019 | icon 92

Rəsmi Bakı Ermənistan xarici işlər naziri Zohrab Mnatsakanyanın fikirlərinə reaksiya verib. 

milletinsesi.info-ın xəbərinə görə, Azərbaycan Xarici İşlər Nazirliyinin mətbuat xidmətinin rəhbəri Leyla Abdullayeva özünün “Twitter” səhifəsində yazıb ki, Ermənistanın xarici işlər naziri “sabitlik” sözünün mənasını düzgün başa düşmür.

XİN rəsmisi Mnatsakanyanın Ermənistanı “sabitlik adası” adlandırmasını belə əsaslandırıb ki, erməni nazir bu sözü düzgün anlamır. 

“Başqa dövlətin torpaqlarını işğal altında tutan və etnik təmizləmə aparan təcavüzkar necə “sabitlik adası” ola bilər? İlk növbədə beynəlxalq hüquqa hörmət etmək lazımdır!”, - deyə L.Abdullayeva bildirib. 

Aqşin Kərimov