Göytəpə şəhər 1 nömrəli tam orta məktəbdə ŞOK SAXTAKARLIQ – Bu təhsil ocağında oxumayan şagird necə attestat aldı?

Göytəpə şəhər 1 nömrəli tam orta məktəbdə ŞOK SAXTAKARLIQ – Bu təhsil ocağında oxumayan şagird necə attestat aldı?
17:27 10-07-2019 | icon 1157

Cəlilabad rayon Göytəpə şəhər 1 nömrəli tam orta məktəbdə baş verən qanunsuzluqlarla bağlı Millətinsəsi.info-nun redaksiyasına daha bir şikayət məktubu daxil olub.
Məktəbin adının açıqlanmasını istəməyən müəllimlərindən biri saytımıza yazır ki, Pedaqoji Şuranın yekun iclasından sonra bu təhsil ocağında böyük korrupsiya faktı aşkarlanıb. İddia olunur ki, bu korrupsiya əməlinin başında Göytəpə şəhər 1 nömrəli tam orta məktəbin direktoru Zaur Ələkbərov dayanır.

zaur01-258x258
Mənbə fakt olaraq qeyd edir ki, 11-ci siniflərin birində şagirdlərin siyahısının sonuna Əliyev Sirus adlı daha bir nəfərin adı qeyd olunub və bütün fənnlərdən ona “qiymət” yazılıb. Ən maraqlısı isə odur ki, kimliyi hətta fənn müəllimlərinə bəlli olmayan bu şagirdə onların xəbəri olmadan məktəb direktoru tərəfindən yüksək qiymətlər yazılıb. Dərs ilinin sonunda isə bütün bunlar əsasında həmin şəgirdə attestat da verilib.
O da qeyd olunur ki, Sirus Əliyev Göytəpə şəhər 1 nömrəli tam orta məktəbdə oxumayıb, Biləsuvar Litseyindən qovulduqdan sonra qanunsuz olaraq bu təhsil ocağında şagird kimi qeydiyyata alınıb.
“Belə bir qanunsuz əməliyyatı həyata keçirən direktor Zaur Ələkbərov hansı maraqlarını təmin edib? Bu məsələnin araşdırılması ictimaiyyət, eləcə də məktəbin kollektivi üçün maraqlı olardı. Hansı ki, Pedaqoji Şura iclasından sonra həmin şagirdin adı jurnala yazılmış, bütün fənnlərdən bal və qiymət verilmişdir” – deyə mənbə sonda vurğulayıb.

Redaksiyadan: Deyilən iddialarla bağlı Göytəpə şəhər 1 nömrəli tam orta məktəbin direktoru Zaur Ələkbərovun və Təhsil Nazirliyinin mövqeyini dərc etməyə çalışacağıq.