Polis şəhid xanımının bölməyə hücumunun görüntüsünü yaydı - VİDEO

Polis şəhid xanımının bölməyə hücumunun görüntüsünü yaydı - VİDEO
16:40 09-07-2019 | icon 56

Sosial şəbəkələrdə Xətai Rayon Polis İdarəsinin (RPİ) 36-cı Polis bölməsində şəhid ailəsinə təzyiq edilməsi ilə bağlı yayılan məlumatdan sonra Daxili İşlər Nazirliyi hadisənin başvermə anını əks etdirən görüntüləri paylaşıb. 

Görüntülər Nazirliyin rəsmi “Facebook” hesabında yayımlanıb. 

Videodan görünür ki, Xətai rayonunda yaşayan Arzu Əliyeva oğlu Qorxmaz Cahangirovun saxlanıldığı bölməyə gələrək, orada polislərə təzyiq göstərib. Qadın polis əməkdaşlarından birinə hücum edib və onun üzünə şillə vurub. 

Bununla da ürəyi soyumayan A.Əliyeva bölmənin qapısının şüşəsini sındırıb. 

Nazirlikdən bildirilib ki, Arzu Əliyevanın oğlunun əsassız olaraq bölməyə aparılması və ailə üzvlərinə qarşı təzyiq və xəsarət yetirilməsi ilə bağlı iddiaları həqiqəti əks etdirmir, baş verənləri gizlətmək məqsədi daşıyır.