Naxçıvanın yeni DTX rəisi kimdir? – Keçmişi haqda maraqlı informasiya

Naxçıvanın yeni DTX rəisi kimdir? – Keçmişi haqda maraqlı informasiya
13:52 09-07-2019 | icon 604

Xəbər verdiyimiz kimi, ötən gün Naxçıvan Muxtaar Respublikasının Ali Məclisinin sədri Vasif Talıbovun sərəncamı ilə NMR Dövlət Təhlükəsizlik xidmətinə yeni rəis təyin edilib. Sərəncamla bu vəzifəyə Nurlan Pənahov gətirilib. Bəs yeni rəis kimdir?

“Yeni  Sabah.az" xəbər verir ki, internet resurslarında demək olar ki, N. Pənahovla bağlı heç bir informasiya yoxdur. O bəllidir ki, Pənahov bundan əvvəl Naxçıvan Muxtar Respublikası Dövlət Təhlükəsizliyi Xidmətinin rəis müavini vəzifəsində çalışııb.

Həmçinin, 2012-ci ildə  MTN-nin əməkdaşı olarkən ölkə prezidentinin sərəncamı ilə "Hərbi xidmətlərə görə" medalı ilə təltif edilib. O zaman N. Pənahov baş leytenant olub.

Amma onun adı digər bir qalmaaqallı olayda hallanıb. Bu da 2012-ci ildə baş verib.

O zaman Azərbaycan MTN-nin İbrahim Musayev adlı əməkdaşı xaricddə sığınacaq aldıqdan sonra Naxçıvan MTN-nin "Azadlıq" radiosunun əməkdaşı Yafəz Əkrəmoğlu ilə bağlı planları haaqda sensasion açıqlamalar vermişdi. Onun sözlərinə görə, Naxçıvan Milli Təhlükəsizlik Nazirliyi 2011-ci ilin avqustunda bu qurumda öldürülmüş Turac Zeynalovun ölüm faktını araşdıran “Azadlıq” radiosunun əməkdaşı Yafəz Əkrəmoğlunun zərərsizləşdirilməsi ilə bağlı xüsusi əməliyyat hazırlayıb.

O, bildirirdi ki, bu plana MTN-in əməkdaşı Nurlan Pənahov rəhbərlik edib. “Y.Əkrəmoğlunun gedəcəyi evə əvvəlcədən kamera quraşdırılmışdı. Bu ev Naxçıvan şəhərində, 3-cü mikrorayondakı Heydər Əliyev adına orta məktəbin yaxınlığındadır, mənzil 4-cü mərtəbədədir. Kamera evdəki televizorun pult yerində, bir də elektron saatın içərisində yerləşdirilmişdi. Kameralar distansiyalı idi. 7-8 metrə kimi ötürə bilirdi. 4-5 saat “zaryadka” saxlayırdı. Həmin binanın 2-ci mərtəbəsində kameranın dalğasını tutan aparat yerləşdirilmişdi. Nurlanla 2-ci mərtəbədə oturub 4-cü mərtəbədə baş verənləri izləyirdik” deyə o bildirmişdi.

Həmin vaxt Naxçıvan MTN-i isə İbrahim Musayevin dediklərini yalan və böhtan adlandırıb.