Təranə: Atasız qızlar başıqaxınclı, xoşbəxtliyə həsrət olur – FOTO

Təranə: Atasız qızlar başıqaxınclı, xoşbəxtliyə həsrət olur – FOTO
17:15 16-05-2018 | icon 376

Prodüser Təranə Səmədova “Instagram” hesabındakı paylaşımla diqqət çəkib.

milletinsesi.info xəbər verir ki, mərhum atasının doğum günündə onun məzarı başından foto paylaşan prodüser üzüntüsünü dilə gətirib:

“Atasız qızın adı ağır olur” o qədər də ciddiyə almadığım bir söz birləşməsi idi, amma həyat mənə sübut etdi ki, atasız qızın boynu bükük, adı çox ağır, başıqaxınclı, uğursuz, xoşbəxtliyə həsrət olur... 

Allah sənə qəni-qəni rəhmət eləsin, arxamda olsaydın, sənin zəhmindən mənə batmağa, toxunmağa çox qorxardılar, ehtiyat edərdilər, amma yoxluğun çoxlarının ayağına yer verdi, nələr danışmadılar, nələr demədilər.

Lakin yenə də ayaqdayam, yaşamağa, güclü görünməyə davam edirəm. Kimin nə danışdığı, nə söylədiyi vecimə deyil. Əsas odur ki, öz şəxsiyyətimə hörmət edərək yaşamağa, ləyaqətimi qorumağa davam edirəm. 

Düşünürəm göylərdən özün mənə baxıb narahat olsan da, mənliyimə, “Əsl kişi qızıdır” sözlərindən məmnun, rahat uyuyursan...”

Pərviz Hüseyn