Oğuzda narkotik vasitə becərən şəxs saxlanıldı

Oğuzda narkotik vasitə becərən şəxs saxlanıldı
10:35 17-09-2020 | icon 133

Oğuz Rayon Polis Şöbəsinin əməkdaşları tərəfindən narkotik vasitələrin kultivasiyası ilə məşğul olan rayonun Muxas kənd sakini Sahabir Hacıbalayev saxlanılıb.

Bu barədə Daxili İşlər Nazirliyinin mətbuat xidmətinin Şəki regional qrupu məlumat yayıb.

Bildirilib ki, S.Hacıbalayevin yaşadığı evin həyətyanı sahəsinə baxış keçirilən zaman oradan xüsusi aqrotexniki qaydada qulluq göstərilməklə yetişdirilən, ümumi çəkisi 4 kiloqram 345 qram 4 ədəd və qurutmaq üçün həyətyanı sahədəki tikilinin çardağında saxladığı çəkisi 2 kiloqram 610 qram 2 ədəd çətənə kolu aşkar edilərək götürülüb.

S.Hacıbalayev ifadəsində narkotik vasitəni mart ayında becərdiyini, onlara xüsusi qulluq göstərdiyini etiraf edib.

Faktla bağlı Oğuz Rayon Polis Şöbəsində araşdırma aparılır.