Sabirabad MKT-də baş verən cinayət niyə gizlədilir?

Sabirabad MKT-də baş verən cinayət niyə gizlədilir?
12:36 16-09-2020 | icon 166

Sabirabad MKT-nin rəhərliyinin baş verən oğurluğu gizlətməyə çalışdığı deyilir
 
Sabirabad rayonundan AzFakt.com-a daxil olan məlumata görə rayonda fəaliyyət göstərən Sabirabad MKT ASC-nin mərkəzi anbarında 2 ay öncə külli miqdarda oğurluq hadisəsi baş verib. Həmin oğurluq hadisəsində MKT-ya külli miqdarda ziyanın dəydiyi bildirilir. 
 
Məlumata görə Sabirabad MKT ASC-nin mərkəzi anbarından pambığı çiyiddən ayıran avadanlıq (çeşidləyici – Türkiyə istehsalı), ona yaxın iri həcmli çadır, xeyli sayda ziyanvericilərə qarşı istifadə edilən bahalı dərmanlar, sürtgü yağı dolu boçkalar və digər mal-matreallar oğurlanıb. 
 
Bu qədər mal-matrealın oğurlanmasının Sabirabad MKT ASC-nin mərkəzi anbarının müdiri Tural İbrahimovdan xəbərsiz baş verməsinin inandırıcı olmadığı iddia edilir.
 
Maraqlı məqamlardan biri isə baş verən oğurluq hadisəsinin MKT İstehsalat Kommersiya MMC rəhbərliyi tərəfindən gizlədilməsidir. Yəni məsələ ilə bağlı MKT rəhərliyinin hüquq mühafizə orqanlarına şikayət etmədikləri deyilir.
 
Baş verən oğurluq hadisəsinin gizlədilməsi MKT İstehsalat Kommersiya MMC-nin direktoru Rövşən Həsənovun tapşırığı ilə olub-olmamasını isə dəqiqləşdirə bilmədik. 
 
Məsələ ilə bağlı MKT İstehsalat Kommersiya MMC-nin yetkili şəxslərindən münasibət örgənməyə çalışsaq da, suallarımıza cavab verən tapılmadı.
 
Araşdırmamız davam edir.
 
Qarşı tərəfin mövqeyini verməyə hazırıq.