Bakıda dəhşətli qəza: Beş nəfər yaralandı, üçü azyaşlıdı

Bakıda dəhşətli qəza: Beş nəfər yaralandı, üçü azyaşlıdı
04:15 12-10-2019 | icon 36

Suraxanı rayonunda iki avtomobilin toqquşması zamanı beş nəfər xəsarət alıb.  

milletinsesi.info xəbər verir ki, Əmircan qəsəbəsi ərazisində “Mercedes” və “VAZ 2107” markalı minik avtomobillərinin toqquşması nəticəsində iki yaşlı Şəbiyeva Əsma Aydın qızı, dörd yaşlı Şəbiyev Hüseynəli Aydın oğlu və onların anası, 1992-ci il təvəllüdlü Şəbizadə Ülviyyə Yaşar qızı, eləcə də, 4 yaşlı Eyvazova Məsumə Hüseyn qızı və 1969-cu il təvəllüdlü Əbdülkərimova Şəhla Hacı qızı xəsarət alıb.  

Yaralılar xəstəxanaya çatdırılıb. Hər üç azyaşlıya qapalı kəllə-beyin travması, Ş.Əbdülkərimovaya döş qəfəsinin əziyi, Ü.Şəbizadəyə isə burunun əzilməsi diaqnozu qoyulub.  

Azyaşlılardan Ə.Şəbiyeva və H.Şəbiyevin vəziyyətinin ağır olduğu bildirilir.  

Faktla bağlı araşdırma aparılır.