Levandovski Ginnesin Rekordlar Kitabına düşəcək

 Polşalı hücumçu buna 9 dəqiqəyə 5 qol vurmaqla nail olub

 Almaniyanın "Bavariya" klubunun futbolçusu Robert Levandovski Ginnesin Rekordlar Kitabının növbəti nəşrinə düşəcək.

"Milletinsesi.info"un məlumatına görə, polşalı hücumçu buna Bundesliqanın VII turunda "Volfsburq"la oyunda nail olub.

27 yaşlı forvard "Allianz Arena"da baş tutmuş qarşılaşmanın 46-cı dəqiqəsində meydana daxil olub. O, 51-ci dəqiqədən başlayaraq 9 dəqiqə ərzində 5 qol vurub. Levandovski meydana daxil olarkən komandası 0:1 hesabı ilə geridə olub.

Bu nəticə ilə təcrübəli hücumçu dünya futbolu tarixində ən qısa vaxtda het-trik, poker və penta-trik edən futbolçu adına sahib çıxıb.

Qeyd edək ki, "Bavariya" - "Volfsburq" matçı meydan sahiblərinin 5:1 hesablı qələbəsi ilə başa çatıb.


Xəbərin vaxtı: 15-10-2015
Oxunma sayı: 240

Loading...

Bu bölməyə aid digər xəbərlər:

    

loading...