Rayon icra başçıları Bakıya çağırıldı

Rayon icra başçıları Bakıya çağırıldı
Rayon icra hakimiyyətlərinin başçıların təcili Bakıya çağrılıb. 

Bu gün Prezidentin Administrasiyası rəhbərliyinin iştirakı fövqəladə toplantı keçiriləcək. 
Bu barədə Milletinsesi.info-ya hakimiyyətdəki mənbələrdən məlumat daxil olub.
Mənbənin sözlərinə görə, toplantıda devalvasiyadan sonrakı durum müzakirə olunacaq və yeni reallıqlarla bağlı icra başçıları təlimatlandırılacaq: "Regonlardakı mütəmadi xarakter alan devalvasiya əleyhinə etiraz aksiyaları hakimiyyətin üst qatında ciddi narahatlıq yaradıb. Ona görə də hakimiyyət qabaqlayıcı tədbirlər görməyə qərar verib.”
Mənbənin sözlərinə görə, hazırda iqtisadi və sosial reallıqlar dəyişdiyindən yeni təlimatlara ehtiyac yaranıb: "Əvəllki idarəetmə metodlar indiki şəraitə yararlı deyil. Standartları dəyişmək vaxtıdır. İndi icra hakimiyyəti daha çox əhali ilə ünsiyyətdə olmalı və şikayətlərə həssas yanaşmalıdırlar. Toplantının məqsədi də bu durumu icra başçılarına izah etməkdir. ”
Yaxınlarda bir necə icra başçısının işdən çıxarılmasını istisna etməyən mənbə bildirir ki, təkcə kadrlar yox, idarəetmə qaydaları da dəyişməlidir. 
Yada salaq ki, son həftədə Lənkəran, Beyləqan, Füzuli, Quba, Ucar və başqa rayonlarda devalvasiya əleyhinə etiraz aksiyaları keçirilib. 

Xəbərin vaxtı: 21-01-2016
Oxunma sayı: 74

Loading...

Bu bölməyə aid digər xəbərlər:

    

loading...