Həsən Ruhani Azərbaycan və İran arasında imzalanmış sazişi təsdiqləyib

 

Azərbaycan və İran arasında imzalanmış saziş prezident Həsən Ruhani tərəfindən təsdiq olunub. 

 

APA-nın Tehran bürosunun məlumatına görə,  prezident Həsən Ruhani İran konstitusiyasının 123-cü maddəsini rəhbər tutaraq  parlamentin təsdiq etdiyi qanunun icra olunması ilə bağlı sərəncam imzalayıb.  

 

Sərəncama əsasən, Azərbaycan Respublikası Hökuməti ilə İran İslam Respublikası Hökuməti arasında Araz çayı üzərində "Xudafərin” və "Qız Qalası” hidroqovşaqlarının və su elektrik stansiyalarının tikintisinin davam etdirilməsi, istismarı, energetika və su ehtiyatlarından istifadə sahəsində əməkdaşlıq haqqında” sazişin icrası ölkənin Energetika Nazirliyinə həvalə edilib.

 

 

Qeyd edək ki, Azərbaycan və İran arasında imzalanmış "Xudafərin” və "Qız Qalası” Sazişi 2016-cı ilin dekabr ayının 7-də  İran parlamenti tərəfindən ratifikasiya edilib və ölkənin Konstitusiyaya Nəzarət Şurası tərəfindən təsdiqlənib.



Xəbərin vaxtı: 08-01-2017
Oxunma sayı: 96


Loading...
loading...

Bu bölməyə aid digər xəbərlər: