Vətən müharibəsinin rəssam qazisi gözündən əməliyyat ediləcək 

Vətən müharibəsinin rəssam qazisi gözündən əməliyyat ediləcək 
23:28 06-03-2021 | icon 163

Vətən müharibəsinin daha bir qazisi Nərimanlı Sarxan Füzuli oğlu əməliyyat olunacaq.

“Report”un Muğan bürosunun məlumatına görə, müharibədə bir gözünü itirmiş qazi İsraildən gələn həkimlər tərəfindən artıq bir dəfə əməliyyat olunub. İkinci əməliyyatda ona süni göz qoyulacaq.

Özünü yaxşı hiss edən qazimizin üzərində kosmetik, plastik əməliyyat işləri görülür.

Onu da qeyd edək edək ki, rəssamlıq istedadı olan Sarxan həqiqi hərbi xidmətinin 9-cu ayında Vətən müharibəsində iştirak edib. Qubadlı, Xocavənd rayonlarının işğaldan azad edilməsi uğrunda gedən ağır döyüşlərdə iştirak edib.

Oktyabrın 26-da Cəbrayıl uğurunda gedən döyüşdə mərmi qəlpələri onu ağır yaralayıb.

Biləsuvar rayonunun İsmətli kəndindən olan 19 yaşlı gəncimiz “Xocavəndin azad olunmasına görə” medalı ilə təltif olunub. 




4.1411089897156