Hacıbala Abutalıbov Bakıdan köçüb

Hacıbala Abutalıbov Bakıdan köçüb
12:35 06-03-2021 | icon 572

Baş nazirin sabiq müavini Hacıbala Abutalıbov Bakıdan köçüb. Bununla bağlı Modern.az-a H.Abutalıbovun yaxınları məlumat verib.

Bildirilib ki, Hacıbala Abutalıbov xeyli müddətdir Bakıdan köçüb. Onun hazırda Qax rayonunun İlisi kəndində yaşadığı bildirilir. Məlumata görə, Abutalıbov hələ vəzifədəykən İlisuda dəbdəbəli villa tikdirib və indi orada yaşayır. 

Qeyd edək ki, ötən gün YAP-ın qurultarı keçirilib və Hacıbala Abutalıbovun adı YAP-ın İdarə Heyətindən çıxarılıb.

QEYD: Məlumat üçün bildirək ki, gözü-könlü tox və işlədiyi müddətdə dövlətin bir qara qəpiyinə göz dikməyən Hacıbala Abutalıbovun əlinin qabarı, alnının təri ilə qəpik-qəpik yığıb ərsəyə gətirdiyi dəbdəbəli qəsri Qax rayonunda olsa da heç də İlisu kəndində deyil.

Qax rayonunun Ağçay kəndində meşənin ətəyində, çayın tam kənarında, özü də bir yox, bir neçə ikimərtəbəli villalardan ibarətdir. Tikinti 2018-ci ildə başa çatdırılıb və təsadüfən həmin kənddə istirahət edən Moderator.az-ın əməkdaşı həmin villalar şəbəkəsinin tikintisində işləyən ustalarla bir neçə dəfə həmsöhbət olub.




2.9142379760742