Azərbaycanlı Olimpiya çempionu Almaniyada baş məşqçi təyin olundu - ÖZƏL

Azərbaycanlı Olimpiya çempionu Almaniyada baş məşqçi təyin olundu - ÖZƏL
23:28 31-10-2020 | icon 190

Azərbaycanlı Olimpiya çempionu Valeri Belenki Almaniyada baş məşqçi təyin olunub.

milletinsesi.info-ın əldə etdiyi məlumata görə, 1992-ci il Barselona Olimpiadasının qızıl medalçısı kişilərdən ibarət idman gimnastikası üzrə Almaniya millisində baş məşqçi kimi fəaliyyət göstərəcək.

Qeyd edək ki, 51 yaşlı məşqçi Bakıda doğulub. Yəhudi əsilli Valeri Belenki daha sonra Almaniyanın Ştutqart şəhərinə köçüb.

Onu da bildirək ki, Almaniya millisi 9-13 dekabrda Türkiyənin Mersin şəhərində keçiriləcək kişi idman gimnastikası üzrə Avropa çempionatında iştirak etməyəcəyini açıqlayıb. Buna səbəb koronavirus səbəbindən idmançıların həyatlarını təhlükə altına atmamaq istəyidir.

Səbuhi Musayev