Bakıda əcnəbilərə “oğru qonaq” gəldi - Qadınlar pulları götürüb aradan çıxdılar

Bakıda əcnəbilərə “oğru qonaq” gəldi - Qadınlar pulları götürüb aradan çıxdılar
11:07 21-01-2020 | icon 194

Bakıda əcnəbi vətəndaşlar qarət olunub. 

milletinsesi.info xəbər verir ki, hadisə Yasamal rayonunda qeydə alınıb. 

Belə ki, M.İbrahimov küçəsi 5 ünvanında yerləşən “Prestij” hostelində Səudiyyə Ərəbistanı vətəndaşları olan turistlər - 1998-ci il təvəllüdlü Alnekhian Mohammed Khlidin 1000 manatı və 1993-cü il təvəllüdlü Albishi Mübarək Saccidin 450 manatı oğurlanıb. 

Onlar polisə müraciət edərək bildirib ki, pulları onlara qonaq gəlmiş Sabirabad rayon sakini, 1991-ci il təvəllüdlü Mehrəliyeva Kimyaxanım Qulu qızı və Tərtər rayon sakini, 1987-ci il təvəllüdlü Ağayeva Xəyalə Qalib qızı oğurlayıb. 

Faktla bağlı araşdırma aparılır.

Dursun Tağıyeva