Şəkidə iki uşaq anası qəfildən dünyasını dəyişib. 

APA-nın şimal-qərb bürosunun məlumatına görə, rayonun İnçə kənd sakini, 1993-cü il təvəllüdlü Xəyalə Qəhrəman qızı İsayeva axşam saat 21:00 radələrində yaşadığı evdən Şəki Rayon Mərkəzi Xəstəxanasına aparılarkən yolda keçinib. 

Məlumatda bildirilir ki, iki uşaq anası olan X.İsayevada son üç gündə yüksək hərarətlə müşahidə olunan soyuqdəymə qeydə alınıb. Axşam saatlarında X.İsayevanın səhhətinin ağırlaşdığını görən ailə üzvləri onu Şəki RMX-yə aparmaq gərarına gəliblər. 

Qadının ölümünün dəqiq səbəbini aydınlaşdırmaq üçün onun meyiti məhkəmə tibb ekspertizasına təhvil verilib.