Ərdoğan: TANAP ölkələrimiz arasında köklü dostluğun simvoludur

Ərdoğan: TANAP ölkələrimiz arasında köklü dostluğun simvoludur
17:49 30-11-2019 | icon 51

Tarixi bir ana şahidlik edirik. Yeddi il yarımlıq bir prosesi müvəffəqiyyətlə taclandırmağın qürurunu yaşayırıq.

milletinsesi.info xəbər verir ki, bunu Türkiyənin Ədirnə vilayətinin İpsala rayonunda TANAP layihəsinin Avropa ilə birləşəcək hissəsinin açılış mərasimində çıxışı zamanı Türkiyə Prezidenti Rəcəb TAyyib Ərdoğan dilə gətirib.

Prezident bildirib ki, bu, bir həmrəylikdir və bu həmrəyliyin adı sülhdür:

“Bu layihə ölkələrimiz arasında köklü dostluğun simvoludur. Regional və sülh layihəsidir. Layihənin müvəffəqiyyət qazanmasında istehsalçı, tranzit və isteklakçı ölkələr arasındakı əməkdaşlıq kilid rolu oynadı.

Dəyərli qardaşım Əliyevin maraq göstərməsi, Gürcüstan rəhbərliyinin əməkdaşlığı ilə TANAP-ı bugünkü mərhələyə gətirdik. Bu gün birlikdə sərf olunan əməyin boşa getmədiyini görürük”.

Ərdoğan vurğulayıb ki, bu gündən Azərbaycan qazı Türkiyə üzərindən 20 vilayət, 67 rayon və 600 kənddən keçərək, Avropanın qapısına çatıb:

“16 milyon kubmetrlik Azərbaycan qazının Türkiyədən keçib Avropaya çatması xəyalı artıq gerçəyə çevrilib”.