Oqtay Gülalıyev Amerikan Xəstəxanasına köçürüldü

Oqtay Gülalıyev Amerikan Xəstəxanasına köçürüldü
17:07 19-11-2019 | icon 58

Türkiyədə müalicə alan hüquq müdafiəçisi Oqtay Gülalıyev İstanbul şəhərindəki Amerikan Xəstəxanasına köçürülüb.

milletinsesi.info-ın məlumatına görə, bu barədə onun oğlu Təbriz Gülaliyev öz “Facebook” hesabında məlumat verib.

“Az öncə atam Oktay Gülalıyev İstanbulda yerləşən Amerikan Xəstəxanasına köçürüldü. Həkimlər köçürülməsində heç bir təhlükə olmayacağını deyiblər”, - deyə o qeyd edib.

Qeyd edək ki, O.Gülalıyev Türkiyənin “Avrasiya” Klinikasında müalicə olunurdu. 

O, oktyabrın 29-da yolu keçən zaman avtomobil tərəfindən vurulub.

Daha sonra Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyevanın tapşırığı ilə Fond hüquq müdafiəçisi Oqtay Gülalıyevin müalicəsi ilə bağlı məsələlərin həllini üzərinə götürüb.